ඉක්මණින් කෝටිපතියෙක් වෙන්න මාසේ පඩිය නාස්ති නොකර ඉතිරි කරන විදිය දැනගන්න

ඉතින් අද අපි හැමෝටම තියෙන ගැටළුවක් තමයි අපි මාසෙට උපයන පඩිය ඉතිරියක් නැති කම කියන්නේ ..ඉතින් අද අපි ඔබව දැනුවත් කරන්න යන්නේ ඔබේ මුදල් ඉතිරි කරගෙන ඉක්මණින් දියුණුවෙන්නේ කොහොමද කියලා ..ඔබත් මේ වටිනා ලිපිය කියවන්න නොදන්නා අයට දැනගන්න share කරන්න අමතක කරන්නත් එපා…..

මුදල් ඉතිරි කරන්න මේ උපදෙස් 13 ගැන සැළකිලිමත් වෙන්න

1අය වැය ලයිස්තුවක් සකස් කරන්න
මුදල් වියදම් කිරීම ඔහේ කරගෙන යන්නේ නැතිව වියදම් කළයුත්තේ මොනවාටදැයි ලයිස්තුවක් හදන්න. ඇතැම්විට ඒ ලයිස්තුවේ මුලූ වියදම ඔබේ අතේ තිබෙන මුදලට වඩා ලොකු වෙන්න පුළුවන්. එවිට ඔබ කළ යුත්තේ අමතක කළ හැකි වියදම් මොනවාද, අනිවාර්යයෙන් කළ යුතු වියදම් මොනවාද, ඇතැම් වියදම් කළයුත්තේ මොන ප‍්‍රමාණයෙන්ද යන්න මැනබලා තීරණය කිරීමයි.

වියදම්වල ප‍්‍රමුඛතා ලයිස්තුවක් සකස් කරගැනීම යනු ඉතිරි කිරීමේ පළමු පියවරයි.

2 කරන වියදම් ගැන වාර්තා තියාගන්න
පසුම්බියෙන් මුදල් ගෙන ඔහේ වියදම් කරමින් යනවිට ඔබට වියදම ගැන තක්සේරුවක් නැහැ. හොඳම දේ දවස අවසානයේ ඩයරියක හෝ පරිගණකයක දවසේ ඔබ කළ වියදම් ප‍්‍රමාණය ගැන එකින් එක සිහිපත් කරමින් ලියා සටහනක් තබා ගැනීමයි. දවසේ ආරම්භක ශේෂය සහ අවසාන ශේෂය ගණන් තබා ගන්න. එවිට අඩු තරමින් ඔබ දන්නවා ඔබේ අතෙන් මුදල් මගදී නැතිවුණේ නැතිබව. ඒ වගේම අනවශ්‍ය වියදමක් ඔබේ අතින් සිද්ධ වෙලා නම් ඔබට එය එම ලියවිල්ල ඇතුලේ පැහැදිලිව හඳුනා ගන්න පුලූවන්. මීළග වතාවේ ඒ වියදම තහනම්..

3 වියදම්වල ප‍්‍රතිශතය ගණන් කරන්න
ඔබ එදිනෙදා කරන සරල වියදම් හැම එකක්ම වර්ග කරන්න පුළුවන්. ඒ කියන්නේ කෑමට, ඇඳුම් පැළඳුම් සඳහා, නවාතැන්, බිල්පත් ගෙවීමට, අධ්‍යාපනයට, ඉන්ධන හෝ ගමන්බිමන් සඳහා, පවුලේ උත්සව හෝ ඥාතීන්ට ආදී වශයෙන් වියදම් වර්ග කරන්න පුළුවන්. එවිට ඔබට පැහැදිලිව පෙනෙනවා අනවශ්‍ය විදියට වැඩිවෙන අයිතමය මොකක්ද කියලා.

අනෙක් අතට ඔබට යම් අවස්ථාවක දැනෙනවා වැඩිකළයුතු අයිතම මොනවාද කියලත්. එය ඔබේ ජීවන තත්වය ගොඩනගා ගන්න හොඳ විදියක්. මොකද උදාහරණයක් හැටියට ඇඳුම් වෙනුවෙන් මුදල් වැය කරන්නේම නැති කෙනෙකුට ඒ වෙනුවෙන් යම් මුදලක් වැය කරලා පිළිවෙළට ලස්ස්නට කීවත් වෙන්න හිතෙන්න පුලූවන් තමන්ගේ ලයිස්තුව දුටුවම. ඥාතීන්ට සලකන්නේම නැති කෙනෙකුට හිතෙනවා මම මගේ අය වෙනුවෙන් වියදම් කරනවා මදි නේද කියලා. වැරදි නිවැරදි කරගන්න එය සුදුසුයි.

සාමාන්‍යයෙන් ඉතිරි කරන අයට පොදුවේ ලැබෙන උපදෙස තමයි ආදායමෙන් 15%ක් අනිවාර්යයෙන් ඉතිරි කරන්න කියන එක.

4 ඉතිරි කරන්න සුදුසු තැන් සොයාගන්න
වැටුපෙන් 15%ක් ඉතිරි කරන්න පහසුම විදිය තමයි පඩිය අතට ලැබුණු ගමන් ඉතිරි කරන මුදල තීරණය කරලා තැන්පත් කරන එක. තැන්පත් කරන්නේ කොතැනද කියන එකත් තීරණාත්මක කාරණාවක්.

ඔබ එදිනෙදා ගනුදෙනු කරන බැංකු ගිණුම කියන්නේ මුදල් ඉතිරි කරන්න සුදුසු තැනක් නෙමෙයි. මුදල් ඉතිරි කරන්න වෙනමම බැංකු ගිණුමක් තබා ගැනීම ඉතාම බුද්ධිමත් වැඩක්. එතකොට ඔබ දන්නවා හරියටම ඔබේ සමස්ත ඉතුරුම් ප‍්‍රමාණය කීයද කියලා.

5 එකම විසඳුම බැංකු ගිණුම් විතරක් නොවේ
බැංකුවල ජංගම හෝ ඉතුරුම් ගිණුම්වල මුදල් දීර්ඝ කාලයක් තැන්පත් කර තැබීමෙන් ඔබට ලොකු වාසියක් ලැබෙන්නේ නෑ. මොකද ඒවායේ පොළිය අඩුයි. බැංකුවට ගිහින් කුඩා මුදලක් වුණත් නිශ්චිත කාලයකට ස්ථාවර තැන්පතුවක තැන්පත් කරන්න ඔබට පුළුවන්.

ලොකු කාලයකට නොවුණත් මාසයක් හෝ මාස තුනක්, මාස හයක් වැනි කාලයකට වුණත් ඔබට ලොකු පොළියකට ස්ථාවර තැන්පතු සිදුකරන්න පුළුවන්. මෙතනදී බය වෙන්න දෙයක් නැත්තේ ඒ කාලය අතරතුර ඔබට මුදල් හදිසියක් ඇති වුණොත් ඒ ස්ථාවර තැන්පතුවේ සහතිකය ඇපයට තබා ඔබට ඒ බැංකුවෙන්ම ණය මුදලක් ලබාගන්න පුළුවන් නිසයි.

අනෙක් අතට විශ‍්‍රාම සැලසුම්, රක්ෂණාවරණ, කොටස් වෙළඳපොළ, භාණ්ඩාගාර බිල්පත්, නිවාස ක‍්‍රමයකට ගෙවීම් ආදියෙහිත් ඔබට මුදල් ඉතිරි කරන්න පුළුවන්. හැබැයි ඔබ මුදල් ගෙවන්නෙ බංකොලොත් නොවෙන, වංචාකාරී නොවෙන තැනකට කියන එක නම් කලින් තහවුරු කරගන්නම ඕන.

6 ඉතුරුම් දිහා බලා සතුටු වෙන්න
ඔබේ ඉතුරුම් කියන්නේ ඔබට පහසුවෙන් පරිභෝජනය කර අවසාන කරන්නටත් හැකියාව තිබුණු මුදලක්. නමුත් ඔබ අනාගතය ගැන හිතලා අමාරුවෙන් පරිභෝජනය කල් දැම්මා. එය අසීරු නමුත් ඉතාම වටිනා වැඩක්. ඉතුරුමක් තිබෙද්දී ඔබ දන්නවා ඔබට හදිසි ආපදා ගැන බියක් නැතිව ජීවත් වෙන්න පුලූවන් බව. මේ නිසා ඉතුරුම් ගැන හිතලා සතුටු වෙන්න පටන් ගන්න.

7 මුදල් ඉපයීමට වඩා මුදල් ඉතිරි කිරීම පිලිබඳ සිතීම

පොහොසත් වීමට නම් මුදල් ඉතිරි කිරීම ඉතා වැදගත් වේ. එහෙත් ඔබ මුදල් ඉපයීම අමතක කර මුදල් ඉතිරි කිරීමට යනවා නම් ඉන් ඵලක් නොවේ.

එහෙත් එයින් ඔබ මුදල් ඉතිරි නොකල යුතු බව අදහස් නොවේ. ඔබ මුදල් ඉතිරි කිරීම සහ මුදල් ඉපයීම සමානව කල යුතුය. ඔබ සතුව මුදල් රාශියක් නැති අවස්ථාවල ඔබ ඒ පිළිබඳ සිතමින් වද විය යුතු නැත. එවිට ඔබ කළ යුත්තේ මුදල් ඉපයීමට අවධානය යොමු කිරීමයි. ඉන් පසු ඔබ සතුව වැඩි මුදලක් ඇති විට ඒවා ඵලදායි ලෙස ඉතිරි කිරීමට කටයුතු කරන්න.

8ආයෝජනය නොකිරීම

වැඩි මුදලක හිමිකාරයකු වීම සඳහා වඩාත් කර්යක්ෂම ක්‍රමයක් වන්නේ මුදල් ආයෝජනය කිරීමයි. ප්‍රමාද නොවී ඉක්මනින් මුදල් ආයෝජනය කිරීම ආරම්භ කරන තරමට වැඩි ප්‍රතිඵල ද ලබා ගත හැක.

ඔබ උපයන මුදල් නිකන් රැස් කරගෙන සිටිනවාට වඩා එම මුදල් ඵලදායී ලෙස ආයෝජනය කිරීමෙන් ඔබ වඩා පොහොසත් වනු ඇත.

9ඔබට දරා ගත නොහැකි තරම් මිල අධික දෑ මිලදී ගැනීම

ඔබ ඔබට දරා ගත නොහැකි අන්දමේ මිළ අධික භාණ්ඩ මිලදී ගන්නේ නම් ඔබ කෙතරම් මිළ මුදල් ඉපයුවද ඔබට පොහොසතෙක් වීමට නොහැකිය. ඔබ උපයන මුදල ක්‍රමයෙන් වැඩි වනවාත් සමගම ඔබ ඔබගේ අවශ්‍යතා ද වැඩි කර ගතහොත් ඔබට ඉතිරි කල හැකි ප්‍රමාණය අඩු වේ. එනිසා ඔබ කෙතරම් මිළ මුදල් ඉපයුවද ඔබට දරා ගත හැකි ප්‍රමාණයට පමණක් වියදම් කිරීමට සිහි තබා ගත යුතුය.

10වෙනත් කෙනෙකුගේ සිහින පසුපස හඹා යාම

ඔබට සාර්ථක පුද්ගලයකු වීමට අවශ්‍ය නම් ඔබට ඔබගේම සිහින තිබිය යුතුය. ඔබ ඔබගේ සිහින පසෙකලා වෙනත් කෙනෙකුගේ සිහින පසුපස හඹා යන්නේ නම් ඔබට සාර්ථක විය නොහැකිය. උදාහරණයක් ලෙස ඔබ ඔබේ අසල්වැසියාගේ හෝ ඔබේ යහළුවාගේ හෝ සිහින වලට ආසා වී ඒවා සැබෑ කර ගැනීමට උත්සහ දරන්නේ නම් එවැනි බොහෝ අවස්ථාවල ඔබට ඒවා සැබෑ කර ගත නොහැකි වනු ඇත. එවිට ඔබ ඔබ පිළිබඳවම කලකිරීමටත් පසුතැවීමටත් පත් වේ. එවිට ඔබට ඔබේ සිහින ද අහිමි වේ. එනිසා ඔබට පොහොසතෙක් වීමට නම් ඔබේ සිහිනයක් තබා ගෙන එය සැබෑ කර ගැනීමට උත්සහ කරන්න

11මුදල් සඳහා නිශ්චිත අරමුණක් නොවීම

මුදල් කියන්නේ නිකන් ඉඳලා හම්බ කරන්න පුළුවන් දෙයක් නෙවෙයි. ඒ සඳහා මහන්සි වී වැඩ කිරීමට සිදු වෙනවා. ඒ වගේම ඔබට පොහොසත් වීමට අවශ්‍ය නම් ඔබ උපයන ඒ මුදල් සඳහා ඔබට නිසි ඉදිරි සැලැස්මක් ද තිබිය යුතුයි.

ඔබ මුදල් උපයන්නේ කුමකටද, ඒ මුදල් භාවිතයේ යොදවන්නේ කෙසේද, වැඩි ලාභයක් ලැබෙන සේ එම මුදල් ආයෝජනය කරන්නේ කෙසේද ආදිය පිලිබඳ ඔබට නිසි අරමුණක් තිබිය යුතුය. එසේ නොමැති විට ඔබ රැස් කරන ධනය නාස්ති වී ඔබටම නොදැනී ඔබ සිටියාටත් වඩා දුප්පත් අයෙකු බවට පත් විය හැක. එනිසා සැම විටම ඔබේ මුදල් සඳහා නිශ්චිත අරමුණක් තබා ගන්න.

12පළමුව වියදම් කර දෙවනුව ඉතිරි කිරීම වැරදියි.

බොහෝ දෙනෙකුට මුදල් ලැබුනම ඉස්සෙල්ලම කරන්නේ හිතේ හැටියට මුදල් වියදම් කරන එක. ඊට පස්සේ තමයි ඉතුරු කිරීම ගැන හිතන්නේ. හැබැයි මෙහෙම කලාම ගොඩක් වෙලාවට ඉතුරු කරන්න ප්‍රමාණවත් තරම් මුදලක් ඉතුරු වෙන්නේ නැහැ. ඒ නිසා ඔබ පළමුවෙන්ම කළ යුත්තේ මුදල් ඉතුරු කිරීමයි. ඉන් පසුව ඉතිරි වන මුදල වියදම් කිරීමෙන් ඔබට මුදල් නිසි පරිදි කළමනාකරණය කර ගත හැක.

13තමා පිලිබඳ විශ්වාසය තැබිය යුතුය.

බොහෝ පුද්ගලයන් තුළ ඇති දුර්වලතාවයක් වන්නේ තමා පිළිබඳ විශ්වාසයක් නොමැති වීමයි. බොහෝ දෙනාගේ මතය වන්නේ සෑම දෙයක්ම ලැබෙන්නේ වාසනාව ඇති අයට පමණක් බවයි. මෙලෙස ඔබට ඔබ පිළිබඳ අවතක්සේරු කොට සැලකීම ඔබගේ කටයුතු අසාර්ථක වීමට හේතුවකි. එනිසා තමන්ට ඕනෑම දෙයක් කල හැකිය යන විශ්වාසය ඇතිව අධිෂ්ඨානයෙන් යුතුව ක්‍රියා කළහොත් ඔබට නිසැකවම සාර්ථක විය හැකිය.

කවදාවත් මේ දේවල් කරන්න යන්න එපා.. නිකරුනේ මුදල් වියදම් වෙන අවස්ථා 30ක්

 

01. උපයන මුදලට වඩා වියදම් නොකරන්න. ඒ සඳහා සුදුසුම දෙය වන්නේ වියදම් ලැයිස්තුවක් සකස් කර ගැනීම හා එයට අනුව සියලු දේ කිරීමය.

02. තේරුම් නැති දේ මිළදී නොගන්න. ඒ සඳහා යම් දෙයක් මිළදි ගැනීමට අවශ්‍ය වූ විටදී කිහිප වරක්ම සිතා බලන්න.

03. දකින දකින දේ මිළදී ගැනීමේ පුරුද්දක් වෙයි නම් මිළදී ගැනීම් ලැයිස්තුවකට අනුව කටයුතු කරන්න. “Sale” යැයි සඳහන් ස්ථානයන්ට යෑමෙන් වළකින්න.

04. මිළ අධික දේ වෙනූවට එයට සමාන වූ විකල්ප භාණ්ඩ මිළදී ගෙන එහි ගුණාත්මක බව හා මුදල් ඉතිරිය අධ්‍යනය කරන්න.

05. පිටතින් ආහාර ගැනීම හැකි තරමින්ම අඩූ කර පවූලේ සැමට ආහාර නිවසේදීම සකස් කරන්න.

06. කඩපිළට හෝ කඩ මණ්ඩියට යද්දී කුසගිනි සහිතව නොයන්න. එවිට අනවශ්‍ය රසකැවිලි සඳහා මුදල් වැය වේ.

07. ගෘහනියක නම් හැකි තරමින් නිවසේම රැඳී සිටීමට උත්සාහ කරන්න. එවිට අනවශ්‍ය වියදම් මඟ හැරේ. සාප්පූ සවාරි යෑම සීමා කරන්න. සැමවිටම අනවශ්‍ය ලෙසින් මුදල් වැය වන්නේ නිවසින් පිටතට ගිය විටදීය.

08. සැමවිටම රැකියාවක් තෝරා ගනිද්දි වැටුප වැඩිම ස්ථානය තෝරාගන්න.

09. ක්‍රෙඩිටි කාඩ් භාවිතය හැකි තරමින් සීමා කරන්න. ඒ සමගම මාසික බිල්පත් සම්පූර්ණයෙන්ම ගෙවන්න. හැකිතරමින් ක්‍රෙඩිටි කාඩ්වල මුදල් ගෙවා නිමා කරන්න. නොමැතිනම් ඔබට අනවශ්‍ය ලෙසින් පොලිය ගෙවීමට සිදු වේ.

10. සැමවිටම මුදල් වියදම් කිරීමට පෙර සැලසූමක් සකස් කරගන්න. ඒ තුළින් යම් ප්‍රමාණයක් ඉතිරි කළ හැකි මාර්ග අධ්‍යයනය කරන්න.

11. අවම වශයෙන් මසකට රුපියල් 1000ක්වත් ඉතිරි කිරීමට සැලසුමක් යොදන්න. ඒ සඳහා උපයෝගි කරගත හැකි මාර්ගය වන්නේ නිතර භාවිත නොකරන ගිණුමක යම් මුදලක් තැන්පත් කිරීමය.

12. මේ සඳහා ඔබ මඳක් දුරින් පිහිටි බැංකුවක අලුත් ගිණූූමක් අරඹා එයින් නිකුත් කරන ක්‍රෙඩිටි කාඩ් මිළදී නොගන්න. එවිට පහසූවෙන් මුදල් ගැනීමට නොහැකි වීමෙන් මූදල් ඉතිරි වේ.තවද නිශ්චිත දිනයකදී වැටූපෙන් සියයට පහක් හෝ ඉතිරි කිරීමට උත්සාහයක් දරන්න. එම මුදල් නිශ්චිත දිනයකදී බැංකුවට බැර කළ යූතු වීමෙන් එය අනිවාර්යෙන්ම සිදු වේ.

13. වැඩිපුර මුදල් ළඟ තබා නොගන්න. අවශ්‍ය මුදල් පමණක් බැංකුවෙන් ලබා ගන්න.

14. මුදල් යළි ලැබීමට හැකි ආයෝජනයකට මුදල් යොදවන්න. එය සුළු ව්‍යාපාරයක් හෝ ස්වයං රැකියාවක් වූවද කම් නැත.

15. මිතුරන් හා නෑයින්ගේ සමග තරග කිරීමට නොයන්න. මිතුරන් හා නෑයින් ජීවන විලාසිතා සමග ඔබේ ජීවිතය සසඳා නොබලන්න.

16. මූදල් ඇති විටදී මූදල් කළ හැකි යම් යම් සහතික පත් මිළදී ගන්න. එවිට පොලියත් සමගම එය නිශ්චිත කාලයකින් පසූව මූදල් කළ හැකි වේ.

17. ජංගම දුරකතන බිල හැකි තරම් අවම කරගන්න. සැමවිටම කාර්ය බහුල නොවන වේලාවන්හිදි පමණක් නිවසේ දුරකතනය භාවිත කරන්න.

18. තමාගේම මෝටර් රියෙන් හෝ පාසල් වෑන් රථවලින් දරුවන්ව පාසල් යැවීම වෙනූවට ඔවූන් බස් රථ හා දුම්රියෙන් යෑම පූරුදු කර වාර ප්‍රවේශ පත්‍රයක් ලබා දෙන්න. එවිට විශාල මුදල් ඉතිිරියකි.

19. පුවත්පත් සඟරා මිළදී ගැනීම සීමා කරන්න. සැමවිටම නිවසේ අය එයින් ප්‍රයෝජනයක් ලබන්නේදෑයි විමසා බැලීම වටී. උදාහරණයක් ලෙසින් ඇතැම් නිවෙස්වලට පුරුද්දක් ලෙසින් ඉරිදා ඉංග්‍රීසි පුවත්පත් මිළදි ගත්තද එය කිසිවෙකු නොකියවයි.

20. යම් යම් මිළදී ගැනීම්වලින් ඔබට ලැබෙන මාරු කාසි වෙනම භාවිතයකට රැස් කරන්න. සෑම මසකට වරක් එම මූදලට තවත් මුදලක් එක් කර එය බැංකුවක තැන්පත් කරන්න. ඒ සඳහා ග්‍රාමීය බැංකුවක් වඩාත් සූදුසූ වේ.

21. කඩපිළට යද්දී බෑගයක් ගෙන යන්න. එවිට අලුතින් බෑග් මිලදී ගැනීමට සිදු නොවේ.

22. ගෘහනියක් ලෙසින් ඔබේ පාවිච්චියට මෝටර් රථයක් මිළදී ගන්නේ නම් ඒ සඳහා ඉන්ධන අවෙන් වැය වන වාහනයක් තෝරාගන්න.

23. වේගයෙන් රිය පැදවීම අනවශ්‍ය ලෙසින් තිරිංග තද කිරීම හා අනවශ්‍ය ගමන්බිමන් වලින් වළකින්න. සැලකිය යුතු මුදලක් ඉන් ඔබට ඉතිරි වේ.

24. මෝටර් රියෙන් යම් ගමනක් යෑමට පෙර එය සැලසුම් කරන්න. ගමන් කළයූතු මාර්ගය එම ගමනේදී ඉටූ කළ හැකි දේ ඒ සඳහා ගත වන කාලය කල්තියා සැලසූම් කිරීමෙන් සියලු කටයූතු මඟ හැරීමකින් තොරව ඉටු කර ගත හැකි වේ. එමගින් ඉන්ධන සඳහා වැය වන මුදල් ඉතිරි කර ගැනීමට හැකිවේ.

25. මිළ අධික භාණ්ඩයක් මිළදී ගැනීමට පෙර ඒ පිළිබඳව දන්නා අයගෙන් විමසා බලන්න. එවිට ඉතා කදිම වර්ගයක් අඩු මුදලකට ගැනීමට හැකි වේ.

26. සුබ පැතුම් පත් මිළදී නොගෙන ඒවා නිවසේ සකස් කර ගන්න. දරුවන්ගේ ඇඳුම් සාරි ආදිය ද එසේ සකස් කර ගැනීමෙන් මුදල් ඉතිරිය සේම වැඩි අලංකාරයක්ද ලැබීමට හැකි වේ.

27. විදුලි පරිභෝජනය සීමා කිරීම නිවසකට බොහෝ මූදල් ඉතිරි කර දෙන්නකි. නිවසේ විදුලි පහන් නිවා දෑමීමෙන් එක්වර ඇඳුම් මැදීමෙන් දිනකට එක්වරක් පමණක් ජල ටැංකිය පිරවීමෙන් හොටි ප්ලේටි භාවිත නොකිරීමෙන් ඔබට විදුලිබිල බෙහෙවින්ම අවම කරගත හැකිය. නිබඳවම විදුලි පහන් දල්වන ස්ථානයන්ට CFL BULB යොදන්න. එමගින් ඔබට විදුලි බිල 10%- 20 % ප්‍රමාණයකින් ඉතිරි කර ගත හැකිය.

28. නිවසේ සැමට එකවර තේ පිළියෙල කරන්න.

29. නිතරම ඉවසීමෙන් කටයූතු කරන්න. මුදල් වැය කිරීමට පෙර එය අධ්‍යනය කරන්න.

30. ආහාර ද්‍රව්‍ය, මුදල් හැකි තරමින් අවම කිරීමට උත්සාහ කරන්න

මුදල් ඉතිරි කිරීමට පොදු උපදෙස් කිහිපයක්.

දවස අවසානයේ ඉතිරි මාරු සල්ලි ඉතිරි කරන්න. උදාහරණයක් ලෙස දවසකට ඔබ රු. 50/-ක් ඉතිරි කළහොත් දින 10කින් ඔබට රු.500/-ක් ඉතිරි කරගැනීමට හැකියාව ලැබේ. මෙලෙස වසර අවසානයේ ඔබේ ඉතිරි කිරීම රු.50,000/-ක් බවට පත් නොවන්නේද?

ඔබේ වියදම් සටහන් කරන්න.

හදිසියේ කලබලයට මිල අධික දේ මිලදී නොගන්න. මිලදී ගැනීමට පෙර දෙවරක් සිතන්න.

ඩෙබිට් සහ ක්‍රෙඩිට් කාඩ්පත් කල්පනාකාරීව භාවිත කරන්න.

අය වැය කළමනාකරණය කරගැනීමට වඩා සාර්ථක ක්‍රමයක් සොයන්නේද? මාසය මුල සිට ඔබ මිලදී ගන්නා සෑම දෙයක් සඳහාම රිසිට්පතක් ලබාගෙන මාසය අවසානයේ ඒවා හොඳින් පරීක්ෂා කරන්න. ඔබේ මුදල් වලට සිදු වූයේ කුමක්දැයි එවිට හොඳින් පැහැදිලි වනු ඇත.

නිසි පරිදි සෞඛ්‍ය පවත්වා ගැනීමෙන් අමතරව මුදල් වැය කළ යුතු ලෙඩ රෝග වලක්වා ගත හැකියි. (විශේෂයෙන්ම දත්, සම, ඇස් ආදිය වෙනුවෙන්).

ඔබේ රැකියා ස්ථානයෙන් ලබාදෙන දිරි දීමනා සහ/හෝ වට්ටම් දීමනා වල වාසි ලබාගන්න.

අනවශ්‍ය දේ සඳහා වැය කරන මුදල් ඉතිරි කිරීමෙන් ඔබේ ඉතිරි කිරීමේ පුරුද්ද ඇති කරගන්න.

ඉතිරි කිරීම සඳහා කෙටි කාලීන ඉලක්ක තබාගන්න. වසරකට රු.50,000/-ක් ඉතිරි කිරීමට සැලසුම් කිරීම වෙනුවට මාසයකට හෝ සතියකට රු.1,000/-ක් ඉතිරි කරන්න.

මේ විදියට කරොත් කොටිපතියෙක් වෙන්න බැරි නෑ

සාමාන්‍යෙයෙන් මේ දවස්වල රුපියල් 5 කට 10 කට කඩේකින් මිලට ගන්න පුළුවන් ටොෆියක් වගේ දෙයක් තමයි. ඒ තරමටම ඒ මුදල් ප්‍රමාණයන්ගේ වටිනාකම පහත වැටිලා. ඒ නිසාම බොහෝවිට අපි ඒ මුදල් ගැන එච්චර සැලකිල්ලක් දක්වන්නේ නෑ. ඉතුරු සල්ලි අමතක කිරීම, සල්ලි එහෙ මෙහෙ දැමීම, භාණ්ඩ දෙකක් අතරේ රුපියල් 5 ක 10 ක වෙනසක් තියෙද්දි නොසලකාම මිල වැඩි දේ මිලට ගැනීම වගේ දේ අපි සිදු කරනවා.

බලන්න මෙහෙම රු 10 ගානේ සතියකට ඔබ අවස්ථා විස්සකදි ගණන් ගන්නේ නැතිව ඒ මුදල් අතෑරලා දැම්මොත් ඔබට නොදැනීම රුපියල් 200 ක් ඔබට අහිමිවෙලා, එහෙම මාසයක් ගතවුනාම ඔබට නොදැනීම රුපියල් 800ක් අහිමිවෙලා. අවුරුද්දකදි රුපියල් 9600 ක් ඔබට අහිමිවෙනවා. දැන් පේනවා නේද මේකේ බරපතලකම. ඔබ කෝටිපතියෙක් වෙන්න කල්පනා කරන අතරේ නොදැනීම ඔබ තවත් දුප්පතෙක් බවට පත්වෙන වැඩපිළිවෙලක් ඔබම සකස් කරගන්නවා. ඒ නිසා ඔබ මෙහෙම අතාරින පොඩි පොඩි සල්ලි පරිස්සම් කරගන්න කාලේ ඇවිත්. ඒක පුංචි කැටයකින් පටන් අරගෙන පුද්ගලික ගිණුමක් දක්වා භාවිතා කරලා පරිස්සම් කරගන්න පුළුවන්. පොඩි සල්ලි එකතුවෙන ප්‍රමාණය මාසේ ගාණේ පොතේ දැම්මත් කමක් නෑ.

අනිත් එක තමයි තමන්ගේ ලඟ තියන මුදලින් මුදල් මැවීම. අපි හිතමු ඔබ දැන් පොඩි සල්ලි කැටයක දාලා එකතු කරන්න පටන් අරගෙන තියනවා. ගමනක් ගිහින් ආවම අතේ ඉතිරිවෙන පොඩි සල්ලි සේරම කැටේට දානවා, කැටේට දාන පුරුද්ද නිසාම කැටේ පුරවන්න හිතාගෙන හරි පරිස්සමින් ඉතුරු සල්ලි ඉල්ලගන්න, පොඩි පොඩි මිල ලාභ ගැන හිතන්න, පොඩි සල්ලි නැතිකර නොගන්න ඔබ පුරුදු වෙනවා ටික දවසකින්. අපි හිතමු ඔබ මෙහෙම මාසෙකට කැටේට රුපියල් 1500 ක් ඉතිරි කරනවා කියලා.

ඒ කියන්නේ අවුරුද්දක් ගතවෙද්දි ඔබ නොදැනීම රුපියල් 18000ක් ඉතිරි කරලා. අවුරුද්දක් ගතවුනාම මේ රුපියල් 18000 පොතේ ඉතිරිකරලා නිකන් ඉන්න එපා. ඔබ දන්නවා ඇති ආර්ථික විද්‍යාෙව් සංකල්පයක් තියනවා මුදල් මැවීම කියලා. ඒ කියන්නේ ඕනම මුදල් ප්‍රමාණයක් සංසරණයේදී එයට අගයක් එකතුවීම නිසා එක මුදල් ප්‍රමාණයක් භාවිතා කරලා ඊට වඩා වැඩි අගයක් බිහිකරන්න පුළුවන්. බැංකු පොලිය, ආයෝජන ලාභ වගේ දේවල් වලින් පුළුවන් මෙහෙම මුදල් මවන්න.

එතකොට අපි හිතමු ඔබේ මේ රුපියල් 18000 ක මුදල ඔබේ සාමාන්‍ය ඉතිරි කිරීමේ ගිනුමේ තැන්පත් කරලා මුදල් ඉවත් කරගැනීමක් නොකර තියාගත්තොත් ඊළඟ අවුරුද්ද ඉවරවෙද්දි ඒ මුදලට 4% කට වගේ පොලියක් එකතුවෙලා රුපියල් 18720 ක් වගේ මුදලක් බැංකු පොතේ ඉතිරි වෙන්න පුළුවන්. ඊටත් එහා ගිහින් ඔබට කරන්න පුළුවන් දෙයක් තමයි මේ රුපියල් 18000 සාමාන්‍ය ඉතිරි කිරීමේ ගිනුමෙන් ඉවත් කරගෙන ස්ථාවර තැන්පතුවක රඳවන එක. එතනදි සාමාන්‍ය ස්ථාවර තැන්පතුවක මේ දවස්වල 8% – 10% වගේ වාර්ෂික පොලියක් ලබාදෙනවා. එහෙම අවුරුද්දක් ගතවුනාම ඔබේ රුපියල් 18000ට තවත් රුපියල් 1800 ක පොලියක් ලැබිලා ඔබේ තැන්පතුව රුපියල් 19800 ක් වෙන්න පුළුවන්.

ඒ වගේම ඔබ වයස අවුරුදු 60ට වැඩි ජ්‍යෙෂ්ඨ පුරවැසියෙක් නම් ඔබට 12%-15% වගේ ස්ථාවර තැන්පතු පොලියක් ලැබෙන්න පුළුවන්. එහෙම ස්ථාවර තැන්පතුවක ඔබේ මුදල් රැඳෙව්වොත් කිසිම අවදානමක් නැතිවම ඔබට අවුරුද්දක් අවසානයේ රුපියල් 2400 ක වගේ පොලියක් එක්ක ඔබේ තැන්පතු මුදල් රුපියල් 20400 දක්වා වැඩි කරගන්න පුළුවන්. ඒ මුළු මුදල තවත් අවුරුදු 5ක් එම ස්ථාවර තැන්පතුවේම තිබුණොත් පොලී අනුපාතය වෙනස් වෙන්නේ නෑ කියලා උපකල්පනය කරලා අපි බැලුවත් මුල් අවුරුද්දට 3060 දෙවනි අවුරුද්දට 3516ක්, තුන්වෙනි අවුරුද්දට 4046 හතරවෙනි අවුරුද්දට 4653 ක් සහ පස්වෙනි අවුරුද්දට 5351 විදිහට ලැබෙනවා. ඒ කියන්නේ පස්වෙනි අවුරුද්ද අන්තිමේ ඔබේ ස්ථාවර තැන්පතු ගිනුමේ ඔබේ නමින් රුපියල් 41026 ක් තිබේවි.

දැන් පේනවා නේද මේ මුදල් මැවීමේ යාන්ත්‍රණයට පුළුවන් ඔබටත් නොදැනී ඔබ හිමින් හිමින් ධනවතෙක් කරන්න. ඒක නිසා මේ කරුණු දෙක ගැන අවධානයෙන් වැඩකලේ නැත්නම් කවදාවත් ඔබට කෝටිපතියෙක් වෙන්න බැහැ. අහම්බෙන් හරි එහෙම වුනත් ඔබට වැඩි දවසක් යන්න කලින් හිඟන්නෙක් වෙන්න වෙනවා. මේ මූල්‍ය විනය පවත්වාගැනීම තමයි පොහොසතෙක් වීමේ පලවෙනි මාර්ගය.

Author: admin

Leave a Reply

Your email address will not be published. Required fields are marked *